Les jardinsBerck sous l’tente
par loumarcel le, 08/05/2006Bin i in a qui ont eu d’la chance d’avoir inne maison pour leu vacances, nous in campo, in a été dins chés premiers à camper din ch’bos Mannier, i avot 4 ou 5 tentes cannadiennes (pas des carrées comme à ch’t’heure), in arrivant in métot d’el palle ou du foin din des grands sacs fait avec del toile à matelas d’avant qu’em Mère alle avot cousus, ch’étot pour faire not’ lit, not' paillasse, pour aller aux chiotes, in faisot in trou din l’terre, in coupo des branques pour rintourer tout cha et in arboucho quant in r’parto, in face de ch’bos y avo in centre d’apprentissage din in aut bos, je m’rappelle qu’in jour y avot in jone bouc qui étot coinché din ch’grilach’ et mi gentil comme es sus j’ai été el libéré, je n’savos pas c’que j'faisot, j’ai pué l’bouc pendant plusieurs jours.
C’que j’avos quer in camping ch’est d’intinte chés gouttes ker su l’toile ed tente, mais cha n'arriff' pas souvint din l'Nord et cor à ch’t’h’heure j’ai quer ête din inne voiture à l’arrêt et d’accouter chés gouttes quer su ch’toit
