cha sinto bon ! Annie DP
par annie62110 le, 10/05/2006Ed'tout temps mi, j'ai associé des sintimins à mes sou'vnirs , in appelle cha l'memoire olfactive!!
Ché plus fortes ché les odeurs ed'savon, el savon noir el savon d'marseille el lessive qu'al bout din l'bouleuse , les tiots berlingots d'shampoing dop, el brillantine roja flore bleue qu'papa y metto su s'tiéte .
Aprés ché les odeurs ed'l'ecole qu'al m' ar'viennent souvin, el craie, l'encre, el poussiére d'ché escaliers, el fu au carbon din l'classe, et din l'cour ed récréation ché tilleuls quand y zetotent in fleur.
Malgré l'poussiére ed carbon in sinto tout c'qui eto autour ed'nous, quand papa y brulo ché fanes ed patates aprés l'arrachage, cha sinto drol'min bon!!
Aussi mes gins croyez me, fermez vos yeux et pinsez à eune chose que vous avotent ker, vous allez vire l'odeur al va vous ar'venir