la bénédiction du quartier par ech Zeff...
par minloute le, 12/05/2006j avo 15 16 ans et ch' diminche in travalo pas, mais min père souvint si in traino trop al' mason au matin ou qu in s' levo pas tot , bin i dijo , va printe eune arbraquette et t' ira faire ech' camp et donner à minger aux lapins
mi , cha m' plaijo pas vraimint , alors quo qu'j ai fait , j avo mes camarates, chéto deux frères, bin eux ,l' diminche, i devottent aller à la messe , vu qu' chéto les fils du bedeau
alors quo qu' j a fait, bin j a été al' messe aussi, j' le dijo pas à min père, i m auro ingueulé mais j y allo
j éto au premier rang avec mes camarates, près dech' pilier , face au curé
ch' curé i faijo s' messe en latin, in début j' compreno rin mais aprés cha allo, meme que ch' curé i nous raviso canter et i a des coups i m argardo et avec es' main i faijo comprinte que j' devo canter moins fort, (j' confirme que ch'Zeff i a eune rute vo ) , mi j avo ker cha
pi un coup , j arriffe al' fosse et ch' porion i m' print dins zin coin et i m' dit , dit donc ch' zeff, j a appris que té canot al' messe i faudrot que té benisse ch' quartier ....( i l avo appris pasqu al' messe i avo ché zingénieurs et des porions qui i allottent )
mi j éto surpris , j' li dis mais mi ché vrai j' cante mais ché tout , j' su nin curé, l aute , ech porion, i n in démordo pas, acoute ch' zeff, té va benir min quartier comme cha i aura plus d' carbon , té conno l' messe et pi ché toute, té f'ra qu' cha d' main, té fais rin d aute
mi , quo que j' fais l'lend'main al' prise ed poste, ch' porion i m attindo, bin toute l' durée del poste , j' me prom'no dins ché tales, et quand qu' j' le voyo j' me dépécho d' faire ses sines ed croix ...... i éto malate ch' tilale , mais enfin ch' jour là chéto pas trop dur pour mi.....