l'essoreusse
par minloute le, 19/05/2006cha cha a été eune sacrée invention, chéto l essoreusse, bon chéto indépendant del lessiveusse, chéto eune espèce ed cylinte que t ouvro ch' couverque , té metto ch' linche ed dins, t arfermo ch' couverque , bon bin seur , t avo branché l 'tricité , t appuyo such' bouton pi cha s' metto in route
bon cha s' metto in route ,i fallo cor que ch' linche i s' mette pas tout du meme coté quand cha démarro sinon m'mère ale éto obligé d ouvrir l' machine , d armette ech linche in plache et d 'r'appuyer such' bouton
mais quand cha marcho, j éto impressionné ed vire l' essoreusse in marche, i auro dit comme eune soucoupe volante, ouais mes gins, bon ché sur cha s involo pas, mais quand meme , chéto pas loin
avec l' force centrifuche, à tourner comme cha à toute vitesse, as' déplacho un tchiot peu, J A DIT UN TCHIOT PEU, m' faites pas dire c'que j a pas dit, ale faijo pas l' tour del mason pour arvénir aprés as' plache, d ailleurs là vous m auriez pas cru et pi zaurottent eu raison , chéto bin comme un robot mais nin comme dans la guerre des zétoiles , et pi l' essoreusse ale parlo pas
bien que , quand ale allo à toute berzingue in auro dit qu ale ouigno ouais comme un tchien
l 'lessiveusse chéto un sacré progrès mes gins, mais faut avouer pas d' tout r'pos
pasque , j' donne des zexplications pasque ch' Zio , il a ker quand ché carré, j' va pas li donner l' dimension del cuffe en mm 3 , ni l' débit d io qui sorto al' seconte del lessiveusse mais ...
j avo dit que chéto pas d' tout r'pos , j va poser cha comme un problème ed calcul à l école
"en sachant qu' l essoreusse quand qu as' met in route, et qu ale print del vitesse pour vider l io du linche, in sachant que l' io ale éto récupérée par em' mère, dans eune bassine en plastique du plus bio vert , que quand l' machine ale marcho à toute berzinque , as ' déplacho (pas m'mère mais l' machine) , en sachant qu en s' déplachant d eune paire ed mm par mineute, combien d' fos m' mère ale devo vérifier que l' io del lessiffeusse ale coulo bin dins l' bassine in plastique et non par terre, quand qu' l essoreusse , in s' déplachant , ch' robinet du qu' lio ale coulo, i éto pu in face del bassine qui éto au sol "
bin sur che j' vous laisse busier al' réponse
heuuu
al auro pas pu faire comme tout l'monde et essorer tout cha à l'main minloute? j'ai mal à mtiete mi... j'arnonce!