Les jardinsTaupins, maths et patois
par Ch' Zio le, 23/05/2006J'viens d'faire un problème ed math pour l'expliquer à min p'tit garchon ( ed 21 ans quand même) et comme, li aussi, i a querre l'patois, cha m'a rappelé eine anecdote.
Faut dire d'abord qu'in 1945, dins ches classes préparatoires aux grandes écoles, ches élèves étotent surtout des fils ed bourgeois et qu'in n'i trouvot pas gramint ed garchons d'mineurs.
Un soir, à l'étude, min comarate Edouard et mi in n'étot pas d'accord su l'solution d'in problème d'math. In discutot ferme et in a mis un certain temps pou s'mette d'accord su l'bonne solution. El discussion al étot tellemint animée qu'in s'étot pas aperchu qu'un chercle d'eine dizaine ed taupins s'étot formé autour ed nous et qui nous ravisotent in rigolant : i n'avotent sans doute pas compris grand cose à nou discussion et i est probape que ch'étot l'première fos qui z'intindotent discuter d'math in patois !
N.B. pour comprinde : un taupin ch'est in élève d'el classe de mathématiques spéciales, préparatoire aux grandes écoles.
