les zarrivées en vacances à merlimont
par minloute le, 26/05/2006ch' matin temps couvert ,alors qui zannoncent 25 26 degrès, zinquiétez pas ché dans l 'béarn mes gins
et m' femme ale dit ché ptete des brumes ed chaleur
cham' rappelle un coup qu in a été à merlimont qu in habito nous en région parisienne
in avo eune viele carette qu in savo pas si in allo bin arriver à faire 200 kms sans encombe, mais in étot contint d aller passer les vacances à merlimont , comme ché jones
l' temps i éto super bio, in print l' route , alors nous y avo pas cor l autoroute, chéto l' nationale, beauvais , marsele en beauvaisis, granvilliers , poix , airaines, abbeville, merlimont
à chaque coup cha nous faiso l' meme cosse, in éto contint sul'route de beauvais à abbeville, et aprés et aprés cha nous simblo interminappe
aprés abbeville, in vo que l' ciel i éto plutot bas, gris, oh mi j' dis ché des zentrées maritimes, pi aprés in vo arriver des carettes dans l aute sens phares alleumés , m' femme al' dit cha do ete del brume ed chaleur
dins seul coup , t auro vu ti, l' tiete del brume ed chaleur, des trompes d io, nous serrés dans not' chiotte carette, ché zéssuies glaces à toute berzinque, in vo pas grand cosse j' peux vous assurer , in éto obligé ed' mette ech chauffache pasque i avo un sacré paquet ed buée dinl' carette
in arriffe à merlimont, toudis des trompes d io, j' sors, parsque ch' portal i éto arfermé avec ech vint, min père i éto sorti pour racclaquer ché volets qui s étotent détachés, l' temps qu' tout l' monte i sorte del carette in éto tout fraique en rintrant dinl' mason, cor heureux que rapid'mint m' mère ale a mis in route ché moules frites, cha nous a bin récauffé
aut' arrivée un aut' coup, in avo eune des tchiotes , qu ale éto malate en voiture, là super , s' mère ale li avo donné des médicamints pour pas et' malate et l' matin avant d' partir ale mingeo pratiqu' mint pas
ch' coup là in arriffe à merlimont , j' gare el carette such' terrain et m' femme ale s artourne et ale dit al' tchiote , ché bien t as pas été malate, j' sais nin si ché l ' coup d' dire cha , mi j intinds un grand beurrrrrrk , et cha y est , ale a tout dégobillé dins l' carette, pi j a cor eu del chance à queques centimètes , j 'preno sum' guiffe un champoin aux zeufs gratuits......
un aut' coup parel, j arriffe là bo pour ché vacances et là min traval j'n avo marre j' travaillo dans un magasin d' bricolache, bin à peine arrivé , j' vo min frere qui fait des grands sines, i v' no d' casser un carreau al' farniete, bilan, j avo pas cor éteint min moteur , que j arparto avec li au grand magazin d' bricolache d' merlimont ....