Grenay et tant d'autes
par Marie-Claire le, 26/05/2006Ch' matin j'acoute el radio et j'intinds "Grenay", j' tinds l'orelle, et j'em dit d' quoi qu'in parle donc , chétot eune rubrique plutôt politique sur l'anniversaire du referendum del constitution européenne
I zavotent intérrogés des gins à Grenay à ch' propos mais c'qui m'a laissée un peu triste ché l' commentaire final sur l' situation du traval à Grenay, 26 % de chomeurs ! et les trois quart del population qui sont pas imposapes, ché ENORME !!
j' pinsos pas qu' chétot à ch' point là et pis j'sus d'autant plus sensibilisée qu' j'a eune amie qui travale à Grenay d'pis 30 ans dins l' même entreprise et que l'entreprise qui imploie inviron 110 salariés ale s' restructure et l' site d' Grenay i ferme cet été
In a eune pensée pour tous chés gins là , passequ' artrouver du traval ché déjà pas facile, mais dins eune région qui compte déjà 26% d' chomeurs, ché un vrai défi