ch'pont du 2
par minloute le, 28/05/2006bon ché vrai i est pu impressionnant, achteure té passe ed sus cha fait rin
quand qu on éto tchiot, faut dire aussi qu à c't'ache là in vo tout plus in grand , ch' pont i avo eune aute allure
i avo un passache pour ché carettes pi aussi un passache pour ché piétons, et ch' passache pour ché piétons i éto in fer, té marcho sur des toles, cha faijo toudis du bruit, faut dire qu in in rajouto aussi in faijant claquer les godasses, pas trop quand meme, pasque ché toles alent comminchotent à rouiller sec
vous m' direz rouiller sec , ché pas commun , mais ché comme cha chez nous, ché possipe
pi l' plus zimpressionnant, l' plus frustrant aussi quand qu on est jone et qu in est un tchiot peu curieux , vous m' direz cor heureux d et' curieux, i avo non pas eune rambarte à clair voie, nan, chéto des toles aussi sur ch' coté, des toles qui étotent fixées avec d' sacrés boulons, boulons qui rouillottent et cha faijo des traces breunes qui dégoulinottent à chaque emplac'mint
et l' plus frustrant chéto qu in voyo pas grand cosse, meme in s' mettant sul' pointe des pieds , této cor in d' sous del rambarte, dis me m'man c' qu in vo in bas .....
cor heureux qui avo un endroit si tét' baisso et in freumant un eule, i avo un jour inter deux toles et là t avo in tchiot apercu, vraimint fugitif, d' la voie ferrée qui méno aux ateliers centraux
fugitif, que j a rajouté, pasqu i éto pas question ed' rester comme cha des zheures such' pont, i fallo aller en ville à pied....
( 1 photos)