ech fu à carbon Annie DP
par annie62110 le, 31/05/2006Ach't'heure in a l'chauffage central, ché vrai qu'ché moins d'boulot, mais mi j'su nostalgique de l'cuisinière à carbon.
L'hiver quand al ronflo rien que d'l'intindre t'avo caud, mi j'aimo cha quand l'plaque du d'sus al eto rouge, j'éteigno l'lumière et ch'plafond de l'cuisine y s'illumino in veyo bien l'tiot tro de l'plaque du milieu.
Quand in r'muo ché groches cha faiso des zetincelles, din ch'four y'avo des briques réfractaires qu'in inv'loppo din eune serviette pour recauffer sin lit l'hiver, quand in avo un gros frisson, y suffiso , d'ouvrir ech four et d' s'assire devant pour prindre eune claque ed caleur, et pi l'canchon de l'bouilloire su ch'fu cha annoncho souvin eune bonne goutte ed'jus, l'caf'tière al eto toudi sur un coin à attindre eune visite.
Bref pour mi chéto des momints magiques, chéto m'n'infance.