sous l'préau
par minloute le, 01/06/2006i avo un grand préau là , adossé à l' école Loubet filles, et ché là qu' ché maites i nous ravisottent toudis du coin d' l' oeil, pasque ché vrai, j' critique ch' directeur, mais in éto pas des saints non pu, vous m' direz in éto tchiots aussi, pasque sous ch' préau i avo des grands lavabos avec des robinets d' l' ancien temps , comme des pipettes, ché pas qu' in i buvo beaucoup, d'ailleurs ché mères al' nous interdisottent ed boire là pasqu in pouvo attraper des maladies, faut dire qu'à ch' t'époque là, ché micropes in s' in méfio cor plus qu achteure, i avo cor des campanes pour l' bcg, in vindo cor des timpes cont' la tuberculosse, bref, l' méd'cine ale éto pas si triomphante qu' achteure , ou du moins dins sin comportemint
cha y est j' su cor arparti à des kilometes du sujet, j' cang'rai pas, bon j' arviens en culottes courtes, caveaux bien peignés, et sous ch' préau in avo un jeu, in passo s'bouque sous ch' robinet, in gardo tout pi in essayo d' s' approcher d' un camarate sans s' faire vire ou sans faire vire qu' in avo d' l'io dinl' bouque et quand qu' on éto juste à coté d' li , in li balançot tout dins' guiffe
ouais j' sais ché nin intelligent mais cha a existé faut dire
( 1 photos)