el remise des prix Annie D.P
par annie62110 le, 09/06/2006Comme tous les ans à not'école el remise des prix al avo lieu l'14 juillet.
Cheto l'année d'mes dix ans et m'dernière année in primaire, et un plus j'avo l'premier prix de m'classe!
Tous ché zinfants y s'reunissotent din l'cour ed récréation et in suite in défilo avec el fanfare municipale jusque qu' au stade, et nous cha nous faiso un bout d'quémin, fallo traverser tout Fouquiéres.
Comme tous ché classes al avotent préparé eune tiote canchon ou eune danse in eto plus ou moins déguisés, mi ch't'annèe la j'danso l'ballet des roses, in avo des cerceaux plein d'fleurs , et mi j'eto in short, j'faiso un garchon et cha m'plaiso pas d'trop!
Au stade y avo un podium ed monté devant l'tribune, quand l'spectacle des zinfants yeto terminé, ché zouvriers municipaux y zinstallotent des tables et des chaises, un micro, ché livres et ché conseillers et ch'maire y r'mettotent ché prix in app'lant classe après classe, et mi ch't'année la ché min père qui m'l'a donné yeto conseiller municipal d'puis peu j'éto aussi fière ed li qui l'eto d'mi chéto in 1957.