l'intrée de l'cave
par LA CLO le, 10/06/2006D'nos jours in a tous des meubes ed cuisine avec tiroir pour casseroles, tiroir pour ustensiles, enfin del' plache pour tout ringer. rap'lez-vous dins nos masons, i avot un buffet (pas grand) d'cuisine et l'reste in l'ringeot dins l'intrée d'cave.
Là sur un tchiot palier à terre souvint i avot les boutelles intamées, sous l'montée d'escaliers d'in haut des étagères pour ranger les faitouts (1 ou 2 ch'étot tout, l'grande marmite ale étot au fond ale prenot trop d'plache) l'gras à frites aussi, sur les côtés des grosses planches du qui avot des clos pour accrocher les castroles, les couvercles, el passoire, l'gros intonnoir, les sacs pour ches commissions, sur ches côtés au d'sus tout cha, encore des tchiotes étagères pour mette des bocaux, l'beurrier avec sin gros couvercle ed faïence, l'pot d'confiture (in route comme disot m'mère, ou intamé si vous préférez) J'vous parle d'un temps où le frigo n'existait pas encore.