les rénovations 2
par minloute le, 25/06/2006vla ti pas qui vont armette cha ! bin si , alors mi j a assisté al' visite qui font ché ché gins, i leur d'minte si i sont pour ché rénovations ché gins i dissent nan , alors i zexpliquent que ché pas des rénovations comme qui a eu dans l' temps mais là ché du local ché "del frappe chirurgicale" , mi l' frappe chirurgicale, j y cro pas i a toudis d' sacrées bévues tout autour
pasque ché travaux ché "simplement" canger l' chauffage, canger ché tuyaux dins les pieches, ché armette l électricité aux normes, ché simplement armette du doublache polystyrene sur ché murs, et quand té sais l épaisseur qui vont mette ché l épaisseur d eune feule à cigarettes i faudro mette 4 fois plus épais pour avoir quéquosse ed valape
mi j' vo les personnes agées avec ché travaux là dins leu mazon, alors té pose el question, là avec ché travaux qui qui va arfaire ech papier peint , puisque ché murs i vont et' abimés par ché travaux ou arcouvert d eune plaque ed platre, bin ché ché locataires, mais i donnent eune subvention par pieche à artapicher
mi j' dis laissez ché viu tranquiles , i n ont pu pour longtimps oh ch' j sais bin i dissent vous affolez pas cha s' ra pas avant deux ans au moins, mais quand meme cha les pertupent ché vieles personnes