l' piscine Grossemy
par minloute le, 28/06/2006souv'nir mitigé, cha a plutot commiché comme un calvaire, pi aprés chéto l'paradis
ch' calvaire, chéto suite à un asquident sur la Loire, du qu' in bateau i s' éto artourné et qui avo des infants à bord et qui savottent pas nager, alors cha a été décidé l' année suivante que ché zinfants i zapprennent à nager
et mi j' avo eune appréhension, eune peur bleue ed sauter din l' io, rin qu' des plots qui y avo au bout del piscine, ch' maite i pouvo toudis tend' l' perche, pour qu' in s' rattrape après, cha faijo rin, mais heureus'mint not' directeur d' école i éto là avec ses méthotes pédagogiques, i éto dinl' tribune des visiteurs, et i a des coups i v'no derrière nous , toudis in costume et sans rin dire i nous pousso à l'io
j'su pas sur qui savo nager, mais in tout cas i a eu del chance les zannées suivantes quand que j' y a pris gout , i a eu del chance d' pas s' artrouver au bord del piscine in même temps qu' mi, pasque cha j' peux cor vous l' jurer, j' l' auro pris par l' colbaque et j' l' auro j'ter dins l'io ou si i nageo , j'auro été li arracher sin snip , et i auro bu eune sacrée tasse
pasque aprés j' y a pris gout à aller al' piscine, surtout qui i avo eune heure qu' in pouvo s inscrire si in voulo faire des longueurs d' bassin, mi j' y allo à chaque coup
j' éto fier d' mi j' nageo pas mal, j' faijo l' traversée des 25 m l' longueur del piscine sous l eau , pi aprés j' a r'claqué min clapet , i avo eune file qu ale payo pas d' mine, du même ache qu' mi, pas eune beauté j' me souviens ale avo plus d' dints d'devint , eune maigrichonne, mais sous l' surveillance du mait' nageur, alle plongeo du plot ale faijo aller ET retour sous l' io ... preuffe qui faut toudis pas trop nin faire sinon in s' print eune raclée pour es' fierté
m'sieur l' maire , pourriez ptete li ardonner un coup d' peinture quand même , pasque ché zextérieurs , in diro qu' ché l' peinture d' origine .....
( 1 photos)