Les jardinsel cité d'urgence ed l'Abbé pierre, Annie
par annie62110 le, 29/06/2006Aujourd'hui j' vais vous parler d'eune cité qu' j'ai connue din les zannées soixante, j'avo seize ans et a ch't'age la in cro qu'in peut canger ch'monde.
El cité d'urgence chéto eune poignée d'vieux baraqu'mints qui avotent été montés sur un terrain à Hénin et qui étotent sensés acceuillir el misére de ch'départemint
ché gins sans logemints et sans rev'nus, pour mi chéto un égout à ciel ouvert, l'hiver yavo d'el berdouille partout l'été chéto un vrai four, in plus cha sinto toudi, surtout ché cabinets collectifs.
J'y allo vire eune ed mes tantes qui avo échoué là, après s'être ar'trouvée à l'rue avec ses huit infants, j'l'ai souvin vue braire, je m'sinto impuissante, et pi cha s'est arringé al a r'trouvé eune maison, et l'cité d'urgence al a enfin été rasée
ach't'heure al plache y'a des gins heureux din des biaux pavillons!
