devant l' piscine Grossemy
par minloute le, 29/06/2006in arrivo avant l' ouverture , au moins eune vingtaine ed mineutes minimum, i n'a qui arrivotent à pied, comme mi, pi in' n'avottent qui arrivottent in mobylette, oh pardon en 101 peugeot, mais chti qui avo l' cote chéto l' 103 peugeot avec sin réservoir sur l' devant
bon ché sur qu'eux i zavottent eune longueur d'avinche sur nouzautes pour draguer ché files , pasque si in arrivo aussi en avinche , chéto aussi pour vire c' qui y avo comme garnoule
bin ouais , fallo essayer d' jointe l'utile à l'agréape .....
chéto pas souvint évident au début d' s'rapprocher d' files qu' ale zétotent pas du même quartier , faut dire qu'ach' momint là in éto pas cor majeur , alors in sorto pas , et si ins' voyo qu'eune ou deux fos par s'maine al' piscine chéto tout
d'ailleurs in allo plus al' piscine pour rincontrer les garnoules et faire l' con dins l'io que pour nager , cha ché sur
enfin ché portes ale s'ouvrottent , té prenno tint' guiffe l' surplus d ' chlore qui zavotent déversé d'dins l io, i a des coups in sorto d' là in avo des zius d' lapins russes
mais même si in éto adolescents in avo dro aux r'commendations del mère : essuie te bin les caveux en sortant , sinon té va attraper du mau
ranche bin des affaires mouillées dinch' sac plastique et les met pas comme cha dinch' sac cha n'impécho pas qu'in l' faijo jamais, cha n'impécho pas qu à chaque coup qu in allo al' piscine in avo dro aux r'commandations ....
( 1 photos)