min esportif préféré quand j éto tchiot
par minloute le, 30/06/2006ché min Eddy, faut dire que j'avo ker raviser ché courses ed vélo al' télé, que j' collectionno les autocollants panini , alors j' éto féru d' tout cha , cor achteure, j' in conno cor un rayon (faut dire avec ech vélo ché normal)
sur les coureurs cyclistes qui roulotent sur ché routes dins les années 70 71 j' précisse aux mauvaisses lanques que ché 1970 et 1971 que j' parle, pasqu' in 1870 j' sais nin si l' draisienne ale éto djà inventée
Eddy, surnommé le cannibale, mi j' a ker raviser d' temps en temps eune cassette que j' avo inregistré sur Paris Roubaix, avant et pendant l' course, Paris Roubaix 1976
à vire l' précision maladiffe qui met Eddy pour régler sin vélo ché impressionnant
mais surtout j' avo ker quand qui perdo, i avo toudis eune bonne raison pourquoi i avo pas gagné, i avo crevé, ses coéquipiers i zavotent pas fait l' bon boulot, ché zautes courreurs i s' étotent ligués cont' lui (bin cor heureux , pasque chéto un sacré esportif)
ptete qu' in jour in va apprinte qui éto dopé comme ceux d' achteure , mais j' pourro pas quand même oublier qui m' a fait rêver , que force i avo, et j' éto sul' cul quand qui a perdu cont' Thev'net , quand qui a été laché dans eune étape du tour de France, chéto pathétique
merci Eddy
( 1 photos)