play back à l école
par minloute le, 05/07/2006cours d' musique, l' pipeau, d abord l' bon coté des chosses, ch' maite i faijo l' distribution , i n a vo d' 2 sortes des grands blancs et des plus tchiots noirs, in voulo toudis les tchiots noirs
pi ch' maite i nous laicho eune quinzaine ed secontes pour juer enfin souffler d' dins comme qu on voulo , oh l' sacrée cacophonie chi d' dins
mais aprés les chosses sérieusses ale comminchotent, i fallo juer alors quand que chéto l' classe intiere té pouvo cor faire du play back mais quand que chéto qu eune moitié d' classe chéto plus risqué , sans parler quand que chéto qu eune rangée qu ale devo juer
mais l'pire chéto cha , quand qui te d' mindo d' juer tout seu, et qu ché zautes i écoutotent ah t avo pas interet à avoir del' saliffe dins l' pipeau alors là teut' faijo ingueuler, la preuffe monsieur la preuffe que vous faiziottent semblant d' juer pasque quand qu on joue , in mouille pas comme cha ch' pipeau ..... mi j' le mouillo souvint .....