les préparatifs d' La Napoule
par minloute le, 14/07/2006cha avo été un sacré ev'nmint , mi tout tchiot j' me souviens cor d' l'effervescence des préparatifs des valisses , min père i devo cor ét' enervé, j' min souviens pas mais cha devo et' sur, et pendant ch' temps là m' mère ale devo s' ronger les sangs, à s' dire si ale avo pas oublié quéquosse pour l' voyache
ah y a quéquosse qu' in acaté pour ech' voyache et que j' connaisso pas , chéto des bouteles thermosses , et j' m' in souviens pasque i avo eune grante pour tout l' monte , enfin tout l' monte sauf mi , pasque d' dins chéto du café et mi j' in avo eune oh ptete plus p'tite mais chéto exclus'iv'mint pour mi , vu que chéto du chocolat qui avo d' dins
et de m' mère de m' faire comprinte commint cha pouvo marcher eune boutele thermosse, nan cha marche pas, mais cha fonctionne .....
( 1 photos)