ché tournesols
par annie62110 le, 17/07/2006Hier in ravisant l'tour de france traverser un camp d'tournesol, un souv'nir d'infance y m'est arvenu.
D'puis eune paire ed' mos in avo des nouviaux voisins polonais, y zetotent gintils, mais y parlotent pas gramin l'francais. Ch'jour la em'mère al accrocho sin linche din ch' gardin,in éto in plein mois d'aout, el voisine al l'appelle pour y d'mander "madame!vous zenfants vouloir soleil" et m'mére al y repond "y sont assez infermés l'hiver ch'soleil y peut qu'leur faire du bien"
alors la in a vu l'voisine qui l'raviso d'eune drole d'air, et tout d'un coup al est partie din sin gardin , al a ceuilli eune grosse fleur ed tournesol, al nous app'lées mi et m'tiote soeur et al nous a fait vire commin y fallo minger les graines, pour nous chéto nouviau chéto pas mauvais in a passé not' aprés midi la d'ssus.
Et pour finir el journée comme al éto continte ed s'ete fait comprindre, al a d'mandé a m'mère si al voulo d'el "bombarde" pour faire de l'confiture. N'empeche qu'un an plus tard al parlo francais !!!