Les jardinsmi j' me régale
par minloute le, 23/07/2006mi j' me régale in ravisant les premieres photos que marie claire ale a invoyé d'sin voyache à Grenay et Vermelles
rien que les photos sul' démolition des corons ché impressionnant
ché vrai cha arsanne à ché premiers arportaches couleur qu in voyo sul' destruction d' berlin aprés la seconte guerre mondiale
meme ciel bleu radieux en désaccord total avec c' qu in vo in d'sous ......
ché coups d' pelleteusses cha détruit pas seul'mint des masons, cha détruit un univers pi au d'là toute l'ame qui avo ichi, j a toudis eune drole d impression in ravisant cha , j' pense à toute el vie qui a passée ichi
des joies , des douleurs , des peines, des naissances, des mariaches, des morts pi d un coup in print comme un grand chiffon et in efface tout cha d' un coup, comme quand que ch' maite i passo ch' chiffon sur l' tableau, tout c'qui avo écrit i disparaisso d un coup
