din l' tourminte!!!
par annie62110 le, 27/07/2006Pindant l'dernière guerre mes grands parints maternels y s'sont r'trouvés sur ché routes ed l'évacuation avec leurs dix infants chéto pas evident, in plus d'el peur y devotent gouverner tout leur tiot monde.
Quand l'colonne ed gins al s'est fait mitrailler su chelle route, tout l'monde s'est sauvé din l'campagne invironante, em'mére al m'a raconté qu'elle et s'soeur al zavotent couru si loin, qu'al s'étotent perdues, in plus comme ché fossés y zetotent rimplis d'boue al zétotent din in sale état.
Al zont continué à avancher un momint, et pi al zont rincontré des zévacués belges qui les zont pris in charge, al se sont r'trouvées din eune since, l'fermiére les a lavées al faisotent que d'braire à dix et onze ans chéto dur pour elles, m'mére al m'a dit que l'pire pour elle qui aimo pas ch'lait ché qu'in l'forcho à in boire.
Deux jours plus tard eune femme de ch'village al vo m'grand mére assise avec l'reste de s'famille sur un muret, in train d'braire , après eune explication les v'la tous parties vers chelle ferme, pour pas faire peur à ché zinfants l'fermiére al demande à m'grand mére quesqu' eune des tiotes al aimo pas,quand al a repondu "du lait", yavo pu qu'a les réunir, al dormotent ché leur mère qui les a réveillées pour ché deux tiotes cha a été l'plus biau jour d'leur vie, ché elles qui m'l'ont dit des zannées plus tard.