Les jardins3 s'maines avant la Noël 2ème partie
par minloute le, 24/04/2005M' mère ale ouvro l' valisse, ale préno eune sorte ed papier assez rigite couleur marron qu'ale fixo dans l'niche du buffet.
Pi ale metto l' pale au sol.
Alors là j'interveno, j'éto chargé, mission délicate d'artirer ch' papier journal qui avo autour ed chaque sujet, chéto l' surprise à chaque co, alors cha va ête qui ?
A m' n' avis ché l' berger qui est agenouillé , bin non ! ché joseph, li aussi y est agenouillé.
J'avo l' même joie que quand té ouffes eune pochette surprise.
Y a des coups, té rimballo, chéto les rois mages, allez rembale ! ché pas encore à ti.
Pi après j' les metto tout douch'mint dans l' crêche.
Quequ' fo ch' boeuf et l'ane i zavottent du mal à rester su leu pate; avec l' pale in d'sous chéto pas bien plat.
l' crêche terminée, i avo pu qu à attinte .......
