hier grand momint
par minloute le, 08/08/2006in a été visiter les gorches d' Kakouetta ché au fin fond du pays Basque, et là cha a été un grand momint, ché des gorches très étroites, té passes sur des passerelles, cha monte cha déchind et té passes au d'sus d'un cours d'io, cha fait eune paire d' kilomètes, t'arriffes à eune cascate, pi après à eune grotte, si t'arriffes vu l' monte qui y avo ..... j'l'avo fait au mois d' mai y avo pas personne et chéto bin, là chéto les champs élysées ... mais sans l' largeur d' l'avenue
alors là t'as l'occasion d'observer ché gins, y a quand même des passaches avec des rochers glissants que té t'accroches à eune main courante , cha empêche pas qui n'a qui y vont avec des chaussures à hauts talons
alors j'vous réseume, in' a eune qu'elle a queu dins l'io en voulant faire s' n'intéressante, à un momint un monsieur qui s'a artrouvé ligoté carrémint vu qui n'a un qui éto v'nu avec sin tchien, et avec l' laisse rétractape, l'aute i s'a artrouvé coinché, i étot contint ! y a gueulé ! i avo raison d'ailleurs
après y avo un coupe qui s'ingueulo pasque chéto trop dur pour elle, des zinfants d' 3 ans qui brayottent ed' fatigue, chéto trop dur pour eux, un aute qui voulo rin comprinte à l'caisse, eh ouais chéto payant, i voulo absolument i aller avec eune poussette, des gins qui s' baignottent dinch' torrent, des coups à attraper l' drisse, des gins qui parlotent fort, des gins pieds nus, bref un condensé d' tourisses en goguette