j'sus core là mais...
par Marie-Claire le, 14/08/2006j' vous fait juste un tchiot mot pour vous réseumer l'situation
sans rintrer dins chés détals, bras drot in écharpe, entorse pied gauche et j' vous passe l'état d'un g'nou, d'eune main et d'min nez, tout cha après eune chute dins des escayers
vous pouvez mette des sujets j' les mettra in line, mais mi j'écrira pas grind cosse pasque cha m'est pas facile d'taper del main gauche et t'nir el souris ché core pire
cha ira ptete miux d'ichi queques jours
Eh ben t'in feras jamais d'autes ti. T'copine annie elle a linchi un avisse à cheule population d'cheule tierre intière pour dire que t'avos voulu deschinte ches escaliers quatre à quatre in jonglint avec des plats à tartes et qu'cha s'est mal fini vu qu'tin lacet i étot défait.
Bref, i paraîtrot qu't'arsonnes à cheule femme invisipe, avec des bandaches tout partout et un nez rouche d'clown.
Pour ch'nez i a des mauvaisses lingues qui distent que ch'est l'tien... ch'est nin vrai au moins?
Blague dins ch'coin, j'cros qu'in est eune paire d'tin incien bistrot qu'in va passer t'rinte visite à ch'l'hôpital.
Allez, un bon rétablissemint, et fais attintion d'nin tcherre de t'cayelle in buquint chu ch'l'ordinateur vu qu'apparemmint te continues à ouvrer comme si de rien n'étot. Te devros ouvrer pour edf, t'as d'l'énergie à revinte ti!
Grosses baisses (dis me d'ù que j'dos les faires pour qu'cha fait nin d'ma). J't'ai quer. Si te vos l'autre arsoule, dis y que j'l'ai quer aussi malgré toutes ches misères qu'i m'a faites, ch'voyou.