Les jardinsl'fou et s'brouette, poème
par bourdonb le, 18/08/2006L' FOU ET S' BROUETTE
Poème de jules Mousseron
Pou soulager la misère,
Un brave homme humanitaire,
I s'in trouv' cor malgré tout
Visitot eun' maison d' fous.
Si bin qu'au cours dé s' visite,
I vot un fou, pauv' lapite,
Qui m'not s' brouette à l'invers
In l' poussant l' dézous in l'air.
Véyant cha, l'homm' charitape,
Prénant pitié pou l' pauv' diape,
I d'mand' pourquoi l' directeur
N'impêch' point l' fou dins s'n erreur.
« Monsieur, c'est peine inutile,
I répond l' maître ed l'asile,
Ch'est ainsi qu'i veut broutter.
Quand in veut l' dissuader,
I s' met d'eun' colèr' terrible !
D'ailleurs, cha s'rot impossible
D' li mettre es brouett' d'aplomb
Il est fort comme un lion !
I tuerot, raid' comm' busquette,
Ch'ti qui li r'tourn'rot s' brouette.
Vaut mieux l' laisser faire ainsi
Pour êtr' tranquille avec li. »
Ch' tot vrai. Mais l' brave homm', ténace,
L' lind'main, veyant l' fou qui passe
S' brouette incor sens-d'sus-d'sous,
I crie, à distance, au fou
Hé ! parlez donc, comarate,
Vous s'rez incor bintôt mate.
Vot' brouette est à l'invers,
J' vos qu' vous l' brouttez l' cul in l'air !
Vous avez eun' drôl' d'idée
D' pousser l' brouett' culbutée.
M'tez-lé à l'indrot. J' suis sur
Qu' pou broutter cha s'ra moins dur.
- Bé non non, ch'est tout l' contraire,
Répond l' fou ; j' connos m'n affaire
Quand j' mets m' brouette à l'indrot,
In l'implit tout plein d' caillaux ! »
