cha dot ete cha l'instinct .....
par Marie-Claire le, 25/08/2006j'vas vous raconter eune tchiote histoire qui m'a arrivée savez l' jour dù qu'j'a deschindu des marches sins printe l' temps d' les compter ... enfin n'armuons pas l' coutiau dins l' plaie pasque ché pas core vraimint cicatrisé ...
pour tout vous dire ch' jour là j'étos à Nancy, m' n'homme et min garchon i zétotent partis juer à un fort aventure et mi j'a été visiter Nancy et s' fameusse plache Stanislas que ché très biau d'ailleurs pasqu'ale a été intièr'mint rénovée l'année passée
in fin d'après midi j' m'arrête ale terrasse d'un café, j'vos eune tape marquée "ch'ti", cha i n'a un peu partout, mais bon j'el prinds in photo ... et j' prinds chelle là, j' bos min café et j' m'in r'vas
ach' momint là m' homme i m'appelle pour m'arjointe, in s'donne rendez vous plache Stanislas mais comme i étot un peu perdu i rappelle , pour el guider j'i d'minde dù qui est et i m'esplique qui est d'vant un café qui s'appelle "Le Ch'timi" ......
Et ché là qu' j'a compris que j' m'étos installée dins un café d' Nancy qui s'app'lot "Le Ch'timi" sans m'in ete rindu compte, j'avos pas vu l'inseine, ben cha si ché pas d' l'instinct..........
et pis du coup j'i sus artournée l'prinde in photo
pour tout vous dire cha dot putôt ete eune brasserie, place Joseph Malval, d'vant l'églisse Saint Epvre, si i n'a qu'cha intéresse
( 2 photos)