m' lampe ed mineur
par minloute le, 26/08/2006m' lampe ed mineur , poème de Jean Ceenaeme
Ah ! m' chère lampe à flamm', compagne ed' tous les jours,
j aime d' sintir berloquer, à m' ceinture accrochée
j ai besoin d'tes services, raisons d' sécurité
ché pourquoi qu' t' es soignée avec autint d amour
partout té représente eul' symbole du mineur
de s'rute vie ed'labeur, et aussi d' sin courache
té surveill'pour li, les abords de s' n 'ouvrache
ché pour cha qu' aujourd hui, ouais, j' laiss'parler min coeur
au début, pou l' mineur, t' n'étos qu' un tiot quinquet
d'sus l' barrette épinglé, lumignon bin fragile
avec ed ' flamm' à nue alimintée à l huile
ach'teure t'es bin quingé et t as meme un briquet
comme eun' pierre précieuse, in a protégé t' flamme
quand y a du grisou, al' veut fuir s' gueiole
mais si ché du puteux, là té perd tin controle
et t' flamme a s' ratatine jusqu à en rindre l ame
t as guidé dins la mine, tout' eun' race d' travailleurs
du galibot d' bidet in passant par l' bout'feux
à beaucoup d entre nous t' as fait ouvrir les yeux
d'sus les dangers perfides d'not' métier d' mineur
y fallot bin qu 'in jour, que j'te rind'les honneurs
pour les services rendus à not' corporation
t'es déjà r'classée comme pieche ed collection
mais t' flamme al s' éteindra qu avec l' dernier mineur