Les jardinsl' rintrée au lycée
par minloute le, 29/08/2006alors là , quand qu on arriffe l' premiere fo dinch' lycée, in s' sint tout tchiot, in est les derniers ché à peine si les zautes des classes au d' sus i vous ravisse , zétes pas grand cosse, cor des gamins
in vo ché grands qui finquent à tout va dins l' hall, i a eune finquée mes gins là d'dins .....
pi aprés in s y fait vite, i a pas grand cosse ed différence entre l' ces et l année d' seconte, mi mes meilleures zannées chéto en premiere mais surtout in terminale, j' me souviens d' ché cours ed dactylo du qu in appreno à buquer sur ché touches del machine à écrire, l' clavier caché par eune boite à chaussure
d' min prof d' philosophie, i nous paraisso compl'tmint disjoncté et pourtant in a appris beaucoup avec li, sans oublier mr bailleul ch' prof d' francais qui nous passo du léo feré in cours, pi qui avo fait tout un cours sur ech patois , in lisant des poemes ed cafougnette, in parlant patois durant sin cours, chéto un poete li meme, pi min prof d allemand del terminale, i est arrivé un mo aprés l' début des cours, l aute ale éto enceinte, chéto un méguerlot, mais tout' d' suite i a vu que ch niveau i éto pas terripe , alors toute l année i a fait comme eune formation commando , ché bin l' mot qu in do employer, i arréto pas d' nous parler du bac , de c'qui fallo faire pour l eppreuffe, de c'qui fallo pas faire, i nous diso aussi qu in éto d un niveau tout juste, mais à forche d' nous préparer à cha, j' do avouer que l épreuffe d allemand j l a passé les dos dinl' nez .......
