Merlimont cor un coup
par minloute le, 29/08/2006mi j' avo ker l' soir aprés minger , aller faire un tour al' plache vire l' solel s' coucher, pi vire au loin l' phare ed Berck d'un coté pi l' phare du Touquet d' laute commincher à fonctionner dinl' nuit noire
cha avo quéquosse d' étrange et d' rassurant à la fois
in avo ker aussi armonter tout douch'mint l' avenue de la plage , passer d'vant ché boutiques freumées , s'arrêter d'vant le dé d' argent, un magasin d' souv'nirs et d' raviser ché babioles qui étotent in vitrine
pi in rintro tout douch'mint al' mason, et là, bien mate aprés eune journée au grand air , in s' indormo sans d'minder sin reste
pour nous ché tchiot , Stella et Berck chéto loin , aller à Boulone comme in l a fait eune paire ed coups, aller à Wimereux à coté des falaisses, chéto un voyache extraordinaire , in sorto d' Merlimont , in voyo d'autes dunes, d'autes masons, et chéto pour nous que du bonheur
j'a l' souv'nir aussi d'avoir été cueillir des moules au Portel, que ché rochers i zétotent tout glissant et qui avo eune tchiote étoile de mer qui éto v'nu s incrinquer dins les roches , cha nous cangeo des grantes plaches toutes rectilines et que vous dire du cap gris nez, canté si bien par Raoul , d'ailleurs dinl' voiture mon monnonque i canto quand la mer monte quand qu on y allo, nous à l' arrière des' grante ariane .........