cham' gratte pu am' quéquette

oh là j in imagine eune paire qui doiffent froncer ché sourcils, oh pi in' a qui doffent éte intriguées
j vous zexplique, m' femme, comme toutes ché femmes quand qu ale zont eune lubie, tant qu' ché pas fait , cha va pas, alors aujourd hui chéto d' mette du produit cont' ché puches sur ché bietes, bon ché tchiens ché tel' mint bonasse que cha a été fait un rien d' temps, mais ché cats et surtout min cat l' plus viu, chti là in l' vo l' matin pour minger , dinl' journée parel, i rinte i va minger pi apres i artourne déhors, i passe souvint l' nuit d ailleurs al' belle étoile
et là grand mère té pouvo pas li parler c' soir , in auro dit eune chasseusse, ale arréto pas d' raviser l' porte farniete pour vire si ch' cat i allo pas rintrer, té pouvo dire n importe quo ale t écouto pas
pi d un coup ch' cat i rinte, grand mère ale attind qui so dins l aute pieche pour faire un salto arriere pour arriver al' clinche del porte farniete pour l arfermer , ouais pour l impecher d es' sauver, pasque ch' cat là , i a mi et min fils qu in peut l approcher quand qu on veut , m' femme et m' file nan
ché un cat sauvache que m femme ale a arcueilli tout tchiot , ché elle qui li donne à minger , mais ché avec nous ché zommes qui est tout gentil, preuffe que l animal sauvache i arpère l' danger, ché instinctif, i zont cor l' instinct d' survie, et quand qui vo approcher eune garnoule i s' dissent tantion ichi danger, nous ché zommes in a perdu ch' l arflexe là et ché cha qui nous perd mais là ché mi qui m' perd et qui s in va aborder un aut' sujet ...
bon j arviens à grand mère qu ale a fait un salto arriere pour freumer l'porte, et là pas d'répit ale part dins zin tripe axel avant avec au passache, récupération del boite antipuche au d'sus du frigo et là ch' cat qui s' méfio pas , i s a fait printe in traite, ale li a mis un coup d' produit mais ch' cat li i a sinti que chéto pas normal alors i a voulu sauter del tchiote tape del cuisine du qui a s' gamelle, grand mère ale a appuyé d un coup sul' l antipuche , un vrai brouillard qui avo aprés dinl' mason, in s' voyo presque pu, ale n auro armis eune ziquette ed produit à puches qu in allumo l' leumiere ...
in s a trainé à quatte pattes à terre pour ouvrer l' porte farniete pour qu' l air i rinte et qu in puisse respirer, j' li a dis au passache, ti avec l' dosse qu' t as invoyé in l air, si cha m' gratto am' quequette, cha peut pu gratter achteure ....