l' exote en 1940 1
par minloute le, 31/08/2006quand qu on éto sur les routes , in éto tout serrés , chéto eune vraie foule qui marcho vers l' sute
in voyo bin des soldats qui déchindottent aussi vers le sute, beaucoup étaient sans armes, et personne as' connaissance avaient de rancoeur contre eux
d abord chéto chacun pour soi, in s' parlo , mais souvint in s ingueulo, soit qui avo eune carette qu ale essayo d' passer in klaxonnant , soit i avo comme des bouchons ou des ralentis'mints
chéto chacun pour soi, et in voyo d' tout , des carettes à moteur, des carettes tirées par des bidets ou des boeufs, des gins avec eune bicyclette à leu coté, et beaucoup d' landeaux, des landeaux avec des zinfants d' dins ou alors eune grosse valisse al' plache
mais l' probleme chéto d abord l' soir , i fallo trouver eune plache pour dormir , et ché cinsiers i zétotent plutot méfiants, in devo payer pour dormir sur eune paillasse , dans eune granche et i avo interdiction d' finquer d' dins ch' batimint
l' matin , i faijo cor noir, in s' metto in route, pour éviter l' gros du flux d' gens, mais d' toute facon cha s arreto pas non plus l' nuit, meme si ch' traffic y éto moins important
j' me souviens un jour , i a eu eune panique , in a été survolé par des avions, par tro avions, un qui pacho juste au d'sus del route, et les deux zautes ed chaque coté du fossé, chéto des italiens, et in a su plus tard qui zavotent tirés plus loin sur ch' convoi pasqui i avo des soldats dinch' groupe, heureus'mint pour nous, i n avo pas ach' momint là
in éto mate, in voyo des gins qui avotent du mau à avincher, des p'tits viu , des p'tites vieles , nous ché jones in suivo cha non comme un jeu, mais in éto curieusses du momint qu on vivo, pi i fallo aider l' mère, avec ché frères et ses soeurs plus jeunes et pi d' toute facon , i avo qu à suiffe .....