l' exote en 1940 3
par minloute le, 31/08/2006au bout d eune semaine, in avo sympathisé avec ché zal'mints, chéto des gens comme nous
pi y a eu l ortre d armonter as' mason, in est arparti vers l' grande gare du coin, mais là impossipe ed printe l' train, y avo des lines qui avotent été coupées , alors in a arparti à pied vers l' nord, vers paris
in éto plus tranquile, d abord pasque ché zal' mints in les avo vu, in avo été rattrapé et y avo pu la peur d' les rincontrer , pi chéto plus tranquile, pasqui a eu pas mal d' gins qui étotent v'nus dins chte région pasqui zavottent del famile, alors i sont pas armontés ou tout du moins i sont pas armontés tout d' suite
cha a été aussi plus rapite , in a gagné eune semaine sur not' voyache ed retour pasque min père i a fait du stope et ché un camion al'mand qui s est arrété, in a eu du mau à comprinte du qui allo, chéto au sud ouest ed paris, mais cha nous rapprocho alors in a monté à l arriere
chéto un grand camion baché , un camion qui devo servir pour du transport ed troupes, là i éto à vite, et ch' t animal ed conducteur, i devo s' foute ed not guiffe, pasqui roulo comme un dératé, et qui freino au dernier momint, in devo s accrocher à ché barres in fer, ou plutot s' cramponner, mi j avo ker cha, mais m'mère ale éto pas continte pasqu ale avo dins ses bras min tchiot frère alors chéto pas pratique ed s accrocher tout in gardant ch' tiot dans les bras
in est rintré al' mason, et là i avo pas eu d' dégats, d' vols , chéto c' qui circulo comme sentimint quand qu on armonto, y avo toudis des gins miu informés qu' les zautes qui dijotent qui zavotent te su par l' frère del bel'soeur du garde champete, que ché zal'mints i zavotent forchés toutes ché portes des masons freumées à clé
chéto cor eune cacoule, d ailleurs à saint d'nis j a pas eu d écho d' gins qui savotent fait pillé l' interieur del mason
eune fo arrivés sur l' plache et qu in commincho à s installer dédé y est arrivé, li i éto resté là avec s' mère sur plache, i s a cor moqué d' nous