l'occupation 2
par minloute le, 01/09/2006j'me souviens qu in 1941, min père i dijo que chéto foutu pour au moins eune dizaine d année, hitler i attaquo l' russie, chéto victoire sur victoire, parel en afrique du nord
pi aprés 1942 , cha a comminché tout douch'mint à ét' moins favorape pour eux, mais min père i dijo qui fallo s enflammer et surtout pas paraite continte din'l' rue aprés eune nouvelle pas bonne pour ché zal'mands
in avo aussi pas loin del mason, l'hotel du grand cerf et ché là qui avo la guestapo
pour minger chéto pas rosse tous les jours, souvint m' mère al' m invoyo querre du pain ché ch' boulanger, i éto vraimint gentil chtilale, faut dire qu avec ché restrictions , nous in avo fini nos tickets d' pain vers l' quinsse du mo, i éto gentil pasqui nous faijo crédit, et pi i freumo les zius quand qu on li donno d' faux tickets d' rationn'mint, ouais in acato cha chéto des arproductions plus ou moins bien faites, mais not' boulanger i dijo rin , i les preno
ché dins ché momints là que té vo l' vraie personnalité des gins
de gaule ouais in n in avo intindu parler rapid'mint, chéto eune vo, in savo pas à quo i arssemblo, chéto rapid'mint li qui a r'tenu nos espoirs
quand qui a eu l' débarqu'mint, in l a su l' jour meme, in s'le dijo sous l' mantio, et min père i s arracho les caveux pour qu in arrete d' rire et d' paraite heureusses
ché mos là jusqu à l arrivée des zaméricains et des francais à saint d'nis, cha a été long , pi i avo plein d' bruits qui courottent , que ché zal'mints i zalotent tout détruire, printe des zotaches, fusiller du monte , d ailleurs i a eu un coup eune alerte , alors tous ché zommes del mason i s'sont camuchés pendant eune aprés midi sous l' mason, ouais pasque sous l' mason i avo un tchiot ru qui passo , sous eune voute, j' dis pas que cha devo et' ragoutant d attinte là bo, vu que j'su sur qui avo des rats
pi l' libération in a connu juste avant cha un drame, avec dédé in s éto rapproché et sin père y est mort l' jour d' sin anniversaire, l' jour d' ses vingt ans le 2 aout 1944
i a eu un bombard'mint à la plaine st d'nis , chéto les zinglais qui avotent fait cha et cha a été un sale momint à viffe pour dédé
pi i a eu l' libération d' la ville , ou plutot ché zal'mints i zétotent arpartis, nous in bougeo pas, pi aprés in a intindu du bruit sul' plache, des blindés, chéto les zaméricains, in a fait la fete, mais i sont pas restés et bien pendant deux jours i avo des bruits qui disottent que les al'mints i allottent arvénir et qui fallo pas s' réjouir trop vite , que chéto eune maneuffe militaire .......