l al'mane
par minloute le, 02/09/2006dédé poursuit
ch qui a été épique chéto d'traverser l'rhin, in l a fait , qui éto sur des canots pneumatiques, i fallo i aller minloute, al' rame , avec ché zal'mints qui tirotent al' mitrailleusse au milieu d' tout cha, t auro vu l' fourbi , des gars à coté d' ti qui tombotent à l io suite à eune rafale, t avincho, sans busier, d abord t avo pas l' temps t avo qu eune idée dins t'tiete, l' aute riffe, l aute riffe, arriver à l aute riffe
pi eune fo là bo t' eute camucho in bas del rive pour éviter les tirs en'mis, pi aprés i n a eu qui ont attaqué ché positions al'mantes et in a pu avincher
té sait , dins ché momints là té pense qu à sauver t' piau,j auro été blessé ou mort ach' momint là , j l auro accepté, pasque chéto l' danger direcque, mais j' peux pas avaler l' coup qu' min capitaine i a sauté comme cha sur eune mine cha ché dégueulasse
et en al'mane dédé ?
(là dédé i ravisse que simone al' so pas dinl' pieche pour intinte)
té sais ché eune drole ed périote , in a fait des chosses pas belles , des chosses que j a jamais dit et que j' dirai jamais (grand silence et puis ) té sais quand té fait la guerre , té fait des chosses que té f'ro pas quand que té dans des conditions normales (j a sinti là que cha servo à rin d in d'minder plus )
dédé poursuit, ou plutot esquive en parlant de la fin de son "séjour" en al'mane
in a été jusqu à bertechgadenne du que hitler i avo sin nid d aigle, mi j a eu l occasion del' visiter , chéto grandiosse, t auro jamais cru que cha pouvo et' aussi grand, in avo bin lu avant la guerre qu il avo un chalet là bo, mais t auro vu l' nompe ed pieches qui avo d' creusées dans l' rocher , chéto impressionnant