les prisonniers en al'mane durant la guerre

là ché l' récit d un ancien bruaysien,Louis, que sin père a quitté bruay vers 1937 pour habiter définitiv'mint marsele

tiens un tchiot artour in arriere, sin père à Louis i habito bruay avant l'premiere guerre mondiale, i a parti au front, du qui a été blessé et là i a été conduit vers l hopital ed marsele du qui a rincontré durant s' convalescence eune jeune femme qu ale donno un coup d'main aux zinfirmieres, marie qu ale s appelo et aprés la guerre i s'sont mariés et sont v'nus viffe à bruay
en 1937 i décitent d 'artourner à marsele du que sin bio pere qui teno eune usine ed fabrique ed limonate, cha s invente pas cha, sin bio père voulo printe es retraite, entre temps, Louis qui éto né en 1921 , accompane ses parints dans l' sute

"j a du aller en al'mane , pasque chéto l' sto, l' service ed traval obligatoire, in travaillo dans eune usine , et là i a eu des sabotaches, faut dire qu in travaillo j' va pas dire à not' rythme cha s'ro faux, mais ché contremaites , enfin ceux qui s occupotent ed nous i connaissotent pas bin ch' boulot alors in pouvo gruger, mi j éto fraiseur sur machine
et in vivo dans des conditions acceptapes , jusqu au jour du qui a eu un gros probleme ed fabrication , chéto en 1944, aprés l' débarq'mint, j' cro qu in a du faire les cons, pasqu in éto ptete euphorique, l' nouvelle ale avo filtrée que l' débarquemint i éto fait, d ailleurs in voyo et in subisso d' plus en plus d' bombard'mints et i avo pas eune journée d' traval du qui avo pas eune alerte
donc i a eu des sabotaches, et chéto dim' n atelier, in a été archu par des gens d' la guestapo, et là in a passé un sale quart d heure (grand silence)
et aprés i nous ont invoyé en prison, chéto pres d' munich, et là j a un souv'nir (et s' vo ale s inroue et ses zius i sont plein d' larmes) in a été conduit dans eune grante gare, j' sais pas si chéto l' gare principale d' munich, et là avant d' monter dins ché wagons, in a vu (grand silence) in a vu des épouvantales qui travaillotent l' long del vo, avec eune espèce ed tenue, qui t'no du pyjama, des gens faméliques, des fantomes , ouais ché cha des fantomes, in a su aprés l' guerre que chéto des commandos détachés du camp de dachau

in a passé eune paire ed mos infreumés, dans un espece ed camp, chéto pas un camp d extermination, nan in avo à minger, in a artrouvé là aussi , des soldats francais qui étotent cor prisonniers d' puis la débacle ed 1940

pi cha a été l' brin total, in mingeo d' moins en moins bien, les r'pas cha c est espacé , in avo pu à la fin qu in r'pas par jour , et là in a été libéré ou plutot i nous ont mis sul' route, et là in éto pas fiers, entourés par des soldats armés , et pi l' soir i nous ont parqué dans un champ et l' lend'main quand qu on s a réveillé i avo plus personne pour nous garder i zétotent tous partis alors nous in a été s' camucher dans eune foret pas loin, in éto un groupe d eune vingtaine ed personnes, in i a passé eune dizaine ed jours, à minger c' qu in pouvo minger , à grapiller dans ché cinses qui étotent prés des bos, pi un jour in a vu des chars sul' route in bas, in' a un qui a dit ché pas des zal'mints cha, in s a approché au bout d eune heure, chéto des francais
alors là (grand silence )

et s ' femme al' poursuit avec s' n accent d' marsele, lorsque louis est revenu chez lui, sa mère m a dit qu il n arrivait pas à dormir dans un lit, c était trop moelleux, il dormait par terre sur le plancher