la guerre de 1940

récit d un bruaysien toujours vivant sur la période de 1940

"j éto mobilisé dans l infanterie, j éto caporal, in a été invoyé en lorraine, que des ptits villaches que j avo pas artenu ché noms à l époque, mais que j ai artrouvé eune fos la guerre terminée
chéto un sacré touillache, les zal'mands i zattaquotent à eune vitesse, des tirs d' artillerie, ché avions dans l' ciel, in a bin vite plus vu qu eux , cha sinto l' roussi, mais i fallo colmater les breches, i fallo t'nir pasque derriere nous les zarmées is' reconstituotent et in devo courber l échine, ché cha l' mot courber l échine

cha a été un momint bin pénipe, pasqu in sinto qu' nos chefs sul' terrain i zétotent dépassés, i nous donnottent des ordes , pi des contre ordes
j' me souviens qu in coup i nous ont fait faire des tranchées sur eune colline , toute eune journée, et in intindo au fond l' cannonate, et tout au long del journée , i fallo pas et' sorti d' saint cyr pour s' rinde compte que ch'bruit is ' rapprocho , in avo presque fini ché tranchées, contre orde , in devo décrocher et s arplier sur eune position plus en r'trait du qu in s'ro plus fort , in a remballé et in s a mis in route, ch' capitaine i raviso s' carte souvint , in s a trompé deux fos, deux fos qu in a fait d' mi tour, deux fos qu in a perdu du temps , pi in a senti que cha s' rapprocho derriere nous in avincho pu que par les sous bois, pasqu i avo les zavions al'mants qui arrétotent pas d' passer dans les paraches , et meme un coup juste au d' sus d' nous , in a attindu la nuit pour s'armette in route, pi au matin in éto mate, in éto dans eune foret quand que là cha a comminché à tirer tout pret, in éto tous apeurés faut l' dire, in auro jamais pensé qu' ché zal' mands i pourotent et' si prés d' nous, in voyo bin que l' ciel i éto survolé que par les zal'mands mais jamais in auro pensé qu' ché troupes à pieds i so si près achteure , in a archu des tirs ed mortier, j' me souviens bin in éto dans un sentier assez larche, un sentier du qu on pouvo avincher à deux d' front , et là chéto sur i nous avottent arpérés, in s in a pris dins l' guiffe....
ch' capitaine i nous dijo d accelerer, pas facile avec not' bardache et nos bandes mol'tieres et ch' fusil in plus, in avo caud , terripe
pi j' me souviens à un momint ché tombé juste à coté d' mi, j a sinti que chti qui éto à coté d'mi i s arreto, pi i a quéu par terre , mi j' m éto arrété pour vire s' qui avo, i éto mort, j l a vu tout d' suite et là i a un gradé qui m' a dit caporal D. caporal D , il est mort , avancez , ne restez pas là, il a du me le dire plusieurs fois, j étais resté pétrifié sur place, puis je suis revenu à la vie si in peut dire, et j a arpris m' course en avant , oh in a pas été loin, i nous zattendotent cal'memint , in a tombé dans eune embuscate et in a du tous es' rende
i nous ont conduit en convoi jusqu à eune ville que j' connaisso pas alors chéto vézélise , et à l endroit du qui nous ont parqué, contre ch' mur d eune mason, i avo eune publicité peinte sur ché briques, vantant les mérites del' biere vézélise
aprés in a été em'né en al'mane, mais à mon r'tour al' fin d' la guerre , j m a documenté , j a artrouvé sur eune carte l' nom des tchiots villaches du qu on avo passé , et depuis ch' temps là j a jamais bu eune biere vézélise ...ché drole nan "