l occupation, la captivité , la libération
par minloute le, 02/09/2006cha y est, j ai couché sul' papier, c' que j a questionné auprés d' personnes qui avotent vécu , pour mi, des momints d histoires, oh des tchiots momints , mais si chacun faijo cha in pourro non pas réécrire l histoire mais bien arsintir l ambiance de ch' qui a eu à l époque
je sais, les années font que p'tete certains souv'nirs ont été privilégiés par leur mémoire ,mais cha permet de s' donner eune idée de c qui s a passé pour certains français moyens durant chte période
ché vrai sur les tro témoignaches i sont pas tous directemint d' gins qui vivotent dins nos régions, mais ché nin important à mes zius ché del mémoire pour tout l' monte
j avo rin écrit d' tout c'que j' vous a mis sur l internet, mais ché presque du mot pour mot, mi quand que j interroge des personnes comme cha j enregistre tout, i a que quand que j' vais ché ch' zeff, comme ché un moulin à paroles, j' dis cha bien amical'mint, j' note par chi par là quequ' mots pour que j' oublie rin aprés
pour dédé, j allo l' vire quand que j éto en vagances dans les lantes, i habito dinch' villache à coté, et quand que j allo en ville au matin, j allo rente visite à dédé et à simone, faut dire qui zavotent te pas beaucoup d' visites , et mi meme si j' diso que j éto eune pieche rapportée, puisque ché del famile am' femme, j avo ker y aller, et poser des questions à dédé sur la guerre
achteure i est décédé mais ché un peu li rente un tchiot coucou d armette such' papier , eune partie d es' vie qui m avo raconté, j' cro à tout c'qui m a dit , chéto pas un vantard loin d' là, chéto quéqu un d' posé, i éto natif du massif central, mais quand que t avo s' confiance alors là chéto gagné, i avo ker que j'vienne pasque ch' jour là i avo dro à boire sin apéritif aussi......
quand à Louis, i faijo partie d' em' famile, in s' voyo pas souvint et ché un jour qu in faijo un r'pas d' famile, j éto à coté d' li et ch' j sais pas pourquoi cha a parti sur chte périote là et là j a sinti qui ouvro sin coeur, alors mi j a bin ouvert mes noreles et j a artransmis fidel'mint comme pour les aut' témoignaches c' qui m avo dit
quand à Emile, qui m a raconté sin souv'nir d arrestation par l armée al'mante, i est cor des' monte et quand que j artourn'rai à bruay , j irai cor li poser " eune paire ed questions"
quand aux artiques sur l occupation et la libération d' Bruay j in ai djà fait, marie claire al' vous mettra ichi les liens pour vous les artrouver plus facil'mint
1940 l'arrivée des troupes allemandes à Bruay
Souvenirs sur la libération de Bruay
Réflexions sur la libération de Bruay
Septembre 1944 à l'hotel de ville de Bruay
l'épuration à Bruay et dans la région
l'après guerre à Bruay Labuissière