l' viell' toutoule l'avaricieuse
par bourdonb le, 04/09/2006L' VIELL' TOUTOULE L'AVARICEUSE
Poème de Jules Mousseron
Aile étot d'eun' telle avarice,
Qu' mêm' l'hiver, all' couquot sans qu'misse.
S' couenne étot dur' comm' du caillau.
Les puch's crévotent d' faim su s' piau.
In tout, all' saquot l' bénéfice,
Et pou fair' del soup' - del quiquisse ! –
All' ramassot des haricots
N'import' dû, même eddins l' rucheau.
All' vindot d' tout's sort's d'agobilles,
Jusqu'à s'n iau d' pleuv', ses escarbilles,
jusqu'à l' longu' cord' dé s'n homm' pindu.
Allé arot rogné su la lune !
Mais in n' li-a point connu d' rancune...
Si all' d'a eu, all' l'a vindu'.