François!!
par annie62110 le, 05/09/2006François, y'habito au'd'sus de m'maison, y'teno eune cordonn'rie, et y vindo des souliers, souvint pour pas cher in éto sur ed trouver c'qui nous fallo, pourquoi j'vous parle de ch'vieux monsieur polonais si gentil, tout simplemint parc'qui y m'a laiché un bon souv'nir
dins les zannées soixante, pour sortir à l'époque in metto des talons aiguilles et comme in roulo pas sur l'or in n'avo souvint qu'eune paire
chéto l'sam'di du bal ed sainte Catherine, j'avo dix sept ans, et paf j'casse un talon, chéto eune vrai catastrophe, min seul recours chéto Francois, j'y cours avec m'chaussure y'allo fermer, quand j'y ai eu expliqué l'situation, y'm'a dit "petite assied toi et attend", son épouse qu'y avo rien à y'invier in gentillesse al est v'nue m'faire la causette, et dix minutes plus tard min soulier y'eto comme neuf, vous dire à quel point j'éto continte j'pourros pas
n'impèche que din not'vie, in rincontro des gins comme cha à qui core aujourd'hui in a invie ed'dire MERCI !!!!