l état de santé de marie claire 1
par minloute le, 06/09/2006bon j éto rassuré, frette i éto pour rin dins l affaire, i sont arvénus à leu mason
eune paire ed jours aprés j appelle pour printe des nouvelles, bin ouais cha s' fait cha d app'ler pour printe des nouvelles, et là j' sins que marie claire ale a comme un défaut d' prononciation, mi j a cru qu ale mingeo un chevinguome in meme temps, pi aprés j i a pu pinsé
pi l' semaine aprés j 'rappelle et là j intinds "mumm mumm mummm mmuuummm mmmuuumm" mais quo qu ale diso, j a cru que chéto l'line téléphonique qu ale marcho pas, nan, aprés ale m a passé frette in line, j' rappelle à ceux qui savent te pas que frette ché ch' l homme à marie claire, et là im' dit un truc que j' vous artransmets mot par mot , bon ché in patois , pour que tout l' monte i comprenne
"minloute, té sais marie claire ale est plus grav'mint blessée qu ale t a dit , ale a ché deux bras dinl' plate, ale a pas voulu qu' té t affolle, ché pour cha qu ale t in rin dit"
mi j éto such' cul mes gins , quo, platrée des deux bras ? pi aprés j' m a dis mais commint qu ale fait pour continuer comme cha avec s' convalescence à écrire such' site et à m invoyer des messaches ?
fin frette i m a tout dit et in peut que tirer sin capio à marie claire, i m' dit " ale fait cha avec s' langue" oh bin vinguette ej' dit ché terripe, que courache qu ale a
oh comminchez pas à minimiser c' qu ale a fait marie claire, essayez mes gins, bon faites cha quand que personne i vous zargarde sinon in vous met ch' pyjama espécial qui s' arferme par derriere, eune camisole qui zapelle cha
mais bon essayez un coup, allez j' ravisse pas , essayez d ecrire simplement "histoires de chtis" avec vote langue, bin ché pas évident, djà zavez ch' nez quand que vous buquez sul' touche h , qui li touche le y tout au d'sus, nan ché un traval formidape qui m a ardit ch' frette pasque chéto del lette à lette qu' marie claire ale metto avec s' langue
pourquo qu ale a pas essayé avec sin nez zallez dire, j' vous vo v'nir , ché que à forche d buquer avec sin nez , ale allo avoir eune déformation du nasiau avec toutes ché lettes in incrustation d' sus ......