l autrichienne qui éto infreumée
par minloute le, 10/09/2006mi j' trouffe qu' in in fait un peut d' trop avec l'autrichienne qui éto soit disant séquestrée par un ravisseur d'puis 10 ans
pasque ché eune garnoule qu' in in fait tout un plat
ravisez et j' va printe un cas qui est pas loin, tiens mi , au hasard
le hasard l' plus complet, vous pouvez compter sur mi, bin si j' compte bin , mi cha va faire 20 ans que j' su séquestré
des brimates ?
ouais j' in ai et souvint, té rintes el soir, té t' attints à minger un bon plat préparé , type pétiotes rev'nues au beurre avec d' l ale, et là té rintes et int' dit ché dins l' castrole, té ravisses , ché du cassoulet in boite ...
teut' dit tiens j' va faire chi s' weekende , bin nan ale a djà pris rindez vous derrière tin dos , qu' ale a accepté ou organisé un r'pas avec eune copine à elle et ti , des gins t' in vo djà assez dinl' journée avec tin traval et té do t' in r'coltiner cor in dehors d'eut' vie professionnelle
ti té va au r'pas té dit at' femme, in reste pas longtemps, d'main j' marche, bin ale est cor là à deux heures au matin , et l' lend'main pour aller marcher té do canger d' fusil d' épaule et printe eune randonnée pu simpe, d' abord t' a pas dormi beaucoup, pi ch' pinard cha aide pas ché musques pour et' porter , t' a mingé comme un goret , té marche , té pete, cor heureux si t' as pas l' drisse
aprés t'eut dit bon j' va printe eune journée d arpos al' mason, cha existe te pas, passache d' l' aspirateur, ou alors si ale garte des zinfants, té peux pas finquer dinl' mason, té do pas faire ed bruits pour pas réveiller ché gosses, té peux pas dire qu' in va aller faire un tour, ale peut pas qu' ale dit pasqu" i a ché jones
alors comprenez me, ché pas que j' dis que c' qui est arrivé à l' file in autriche ché pas important, j' voudro qu' in disse AUSSI l' martyr que nous ché zommes in indure tous les jours, sans faire l'une d'l' actualité ....