ch'carrieux d' carbon (1)
par Hervé62155 le, 13/09/2006Ch'est marrant! J'pinsos ch'semaine-chi que j'auros bin écris kekcose su' ch'carrieux d'carbon et v'là qu'Annie, al l'a fait avant mi! Tout c'qu'al dit, ch'est véridique: j'me souviens bin que, quand i passot, i faisot souvint tout l'rue en même temps. Et ch'est vrai qu'in espérot tous avoir ech'premier tas pasque tous ché tas du d'ssus, i bébordotent quand i l'vot s'benne et l'surplus, i kéot avec tin tas à ti! Et nous, à m'maison, el'tro d'caffe, i étot derrière et i fallot saquer ché meupes et traverser tout l'maison avec tes bouleuses ou bien t'brouette! Quand j'rintros d'l'école et que j'veyos ch'tas, j'pinsos: "cha y est, v'là du traval in plus!" pasque min père, i pouvot pu carier suite à s'n'accident al'fosse et m'frère, i travaillot d'jà. Ché mes soeurs qui m'donnotent parfos un cop d'main, surtout pour laver ch'trottoir d'vant l'maison. In n'oubliot déjà pas d'êt' propres, à l'époque!
J'me souviens d'ech'carrieux d'carbon d'em rue... Ch'étot un vieux tiot bonhomme qui avot toudis un béret su'ch'tiête et bin sûr, i étot toudis noir comme un fouan! Ch'a devot pas ête marrant comme métier non pu, cha...