Les jardinsla toilette du samedi soir 2
par Hervé62155 le, 15/09/2006Ben, bien sûr! L'v'là, l'solution! Ch'parlos l'aut'cop de l'lessife du lundi... Al avot lieu l'lundi pasqu'in prenot sin bain l'samedi!!! Les aut' jours, in s'lavot par tiots bouts dins ch'l'évier!!
Nous aussi, in avot un baquet in zinc (j'l'a incor' dins m'n'abri ed'gardin; i sert point mais j'l'a ker!!!) qu'in mettot dins l'cuisine, et in l'rimplissot d'iau caude qu'in faisot cauffer su l'cuisinière. Ché cinq infants, i y passotent tour à tour. Après, in finissot d'séquir d'vant ch'fu dins l'grand pièche (achteure, in dirot "la salle de séjour"!) et in ravisot l'télévision dins nos pyjamas: fallot pu s'salir!!! Et tout not' linge de l'semaine, i partot au linge sale, in attinte de l'lessife du lundi!!
Comme j'l'a déjà écrit, y a fallu qu'j'aille à l'armée pour connaître l'utilisation d' eun' douche tous les jours: un vrai luxe!!! Ch'est p'têt pour cha qu'achteure, j'prinds souvent eun'douche, même deux par jour souvint: j'dos rattraper ch'temps perdu!
