Julie Gambier
par annie62110 le, 17/09/2006Julie à la fin de s'vie, chéto un tiot bout d'femme j'sais pas si al faiso 1m50, quand al conduiso s'2cv in veyo qu'le haut de s'tiéte toute blanque in s'demindo commin al faiso pour pas créer d'accident
pourquoi j'vous parle ed Julie parce qu'à s'n'époque chéto l'personnache l'plus important d'Fouquiéres, al éto sage femme
pindant tout s'vie al mis des tiots fouquiérois au monde, al éto connue comme el loup blanc, al faiso partie ed'not'vie à partir ed not'premier cri al a mis min pére au jour et mi aussi pi ché maternités din les zannées cinquante al zont tué l'accouchemint à domicile
mais gramint d'gins sont réstés fidèles à Julie, et al a toudis eu du traval
aujourd'hui j'voudros bin savoir combien y'a d'tiots à qui al a donné la vie, j'cro que l'nombre y dos être impressionnant!!!