Les jardinsquo que vous z'in pinsez.
par loumarcel le, 18/09/2006Pour l’office religieux de m’belle mère, décédée à Bruay La Buissière.
J’va vous l’dire comme jé l’pinse.
A Bruay , l’églisse St Martin est in travaux, bon ale est fermée d’accord, l’églisse d’La Buissière aussi, i z’ar’font tout, et ale s’ra finie qu’in 2008, l’églisse Ste Barbe ch’est fini, ch’est pour faire d’el musique, i restot donc que l’églisse d’St Joseph au n°6 d’Bruay, mais là bos i voulot’nt pas d’Charitapes (pourtant ch’est d’not’ coin d'not' région), i voulot’nt que leurs canchons dins leu églisse, bref nous in voulot c’qu’in voulot et i avot que l’églisse Notre Dame d’Haillicourt qui a bien voulu nous accepter avec les Charitapes d’La Buissière.
In a pas d’mandé, mais comme m’belle mère ale étot Chevalier d’Orte National du Mérite (ch’est rare pou inne femme), i avot in drapeau Bleu Blanc Rouch’ su sin cerceule, i z’aurot’nt peut ête pas voulu d’cha non pu. (j’pinse que ch’est des C….)
Bref, comme ch’étot l’ducasse d’Haillicourt, à côté d’l’églisse, j’pinse que m’belle mère qui étot in vrai bout en train ale devot ête continte que cha s’passe là.
Bref in dira c’qu’in voudra mais avec toutes chés histoires là i faut pus s’étonner qui a pu personne qui va à l’messe.
Si i y a des guernoules d’bénitier parmi vous z’aut’, ou alors des gins qui vont à l'messe tous les diminches à St Joseph à Bruay parler z’in à vos curés.
Ch'est toute.
