responsabe du robinet 1
par minloute le, 24/09/2006donc dins l' cas du que l' reserffe d io del bassine al' so vite, et qui fasse eune canicule, cha limite mais ché arrivé j' l ardis, alors in sorto ch' tuyo d arrosache
tuyau d arrosache qu in s' servo avec parci et monie, pasque l' solution intermédiaire chéto d utiliser les arrosoirs in fer qui étotent prévus pour vider l' reserffe d io, vous suivez hein mes gins, in metto alors les arrosoirs sous l' robinet et là min père i arroso
cha j avo pas l' droit d' min servir , pasqu i parait mais j peux l' certifier tant d années in arriere, i parait que j in metto autant dins l arrosoir que sur mes godasses
nan mi j éto "responsabe du robinet spécialisation tuyau d arrosache"
commint que cha s' passo, d abord l' version classique , min pere i brancho l' tuyau i s' metto aprés au miyau du gardin et i m invoyo l' orte d'ouvrir ch' robinet, mi j archevo cha comme si j éto à la nasa au cap carnaval et qu' j invoyo eune feusée dins l' statosphère .......
ouais là parel, i parait que j éto pas bon non plus à l arrosache que j arroso trop pres des plantes, que j arroso aussi l' rue, bref j éto pas assez grand pour faire cha .....
donc m' mission chéto d' rester à coté du robinet, pret ensuite à intercepter l'orte ed freumer ch' robinet , orde aussi important que d 'ouvrir l' robinet
mais i avo aussi un momint ou là , j' dois vous dire, chéto eune mission espéciale, chéto quand min père i brancho au bout du tuyau d arrosache, dont i avo artiré l' pomme d' réglache du bout , i avo mi ale plache eune espéce ed réservoir rond , in fer bin seur, avec eune extémité qui rintro dinch' tuyau et qu' min père i metto eune bague d' serrache , pi aprés i poso l' reservoir rond au sol , et là et ché là que l' technique ale éto formidape, du archimete ou du nioutone j' sais rin mais l' résultat i éto impressionnant
j avo oublié d' vous dire , que ch' réservoir rond i éto perché au d' sus que d un tchiot trou , alors j' vous explique l' fonctionn'mint
eune fo ch' robinet ouvert par mes soins, l io ale coulo dinch' tuyau , pi ale rintro dinch' réservoir in fer, comme chéto rond et pétit , ale éto à la fois compressée , ale tourno d' dins à eune grante vitesse pi ale sorto par ou elle pouvo, ch' tchiot trou au d' sus
cha y est , zavez vu y avo pas b'soin d' faire un dessin
alors mi, eune fos que l' réservoir i éto in plache, qu' min père i s éto écarté d eune paire ed metes, là j avo dro à ouvrir l' robinet, et là , miraque, in se s'ro cru à versales, ou à g'neffe, chéto les grantes eaux
té voyo ch' jet monter régulier'mint et chéto bio
mais chéto aussi magique quand té devo freumer ch' robinet , là té voyo l' io ardéchinte tout douch' mint pour finir dins zin glouglou au niveau du réservoir ....