vous croyez aux médiomes ?

j va vous raconter eune histoire, nan ché l' stricte vérité , j' vous jure

m' femme ale s'ro du genre à consulter les voyantes , ale le fait pas, mais ale l a djà fait quand qu ale éto plus jone, avant qu on s' rencontre ,euh cha fait plus d' vingt ans bientot

et en début d année scolaire l année derniere am' dit qu ale s a fait eune nouvelle copine à l école, eune parent d élefe, qui vennot d emmenager l été dins l' villache du qu on habite et là am' dit ale est médiome

mi j a pas ker cha, et j y cro pas mais acoutez bin ichi l histoire
un coup , in vo eune mason sur internet à acater, oh cha faijo bin eune paire d' mos qu in cacho sans cacher, et là , miraque cha nous plaiso, l' prix aussi d ailleurs, alors m' femme ale appelle l' agence, i dissent ouais, i a pas personne ed sus, et in print rendez vous pour aller l' visiter l' mardi aprés
et m' femme derriere min dos al' monte el' mason as' copine et s' copine ale dit nan cha s' ra pas celle là , té l aura pas chte mason
ale précisse et' mason que té prindra ché pas des volets comme cha , cha s'ra eune mason avec des volets , que j' vo cha dinl' pays basque
bon, cha s arrete là, mi l' diminche j' prints m' carette , j va vire l' mason , j' prinds des photos et j in éto tombé amoureux de chte mason, et m' femme ale m avo rin dit de c'que s' copine ale avo dit
bon, lundi matin, coup d' téléphone ed l agence , escusez nous in s a trompé , l' personne qu' vous avez eu au téléphone , ale s a trompé, i a djà quéqu un d'sus et i vont signer l' dessous l' nichon, l' sous seing , si vous préférez
mi j a eu l' moral comme droupi , savez ch'tchien en dessin animé, tout triste
bon in a cor caché eune paire ed mos, in a eu des espoirs et beaucoup d' désillusions
jeudi soir in vo eune mason sur internet, in appelle l' particulier qui l a vindo, mi l' lend'main j y vais , et j su rintré comme d habitute, tout décu, i avo eune montane ed travaux à faire
l' vendredi midi comme j éto al' mason, j a ouvré l' internet et j a ravisé les masons, qui avo sul' site, et i en avo deux qui m' plaisottent
m' femme ale appelle, la premiere éto vendue et l' seconte i nous ont dit qu ale éto tchiote, i zont d'mindés du qu on habito et là i nous ont dit qui avo eune mason à vinte pas loin d' chez nous, in ravisse l annonce , m' femme ale dit mouais, pi in raccroche, pi j' y dit bon rappelle , in va printe rendez vous quand meme, rendez vous est pris pour c' mercredi avec l agence
mi l' sam'di j y va faire un tour, et j l arconno avec l' photo que j avo artiré d internet , j' la trouffe bin, em' femme ale rappelle sam'di matin pour leur dire ed ravincher ch' rendez vous et ale i a été ch' matin, c' soir in signo l acte d achat , premier engagement pour la maison

bin mes gins croyez me si vous voulez, et vous pourrez pas dire que ché m' femme qu ale a choisi l' mason au départ, bin croyez me, l' maison ale est dans l' bearn mais ché volets i sont couleur rouge, et j' su obligé d' avouer, que ché couleur rouge foncé et in appelle cha rouge basque

à méditer mes gins, j ai pas l' réponse à tout cha, mais ché troublant ....

j a oublié d' vous dire que s'copine ale est restée qu eune année scolaire ichi dinl' villache et qu ale habite depuis aout à plus d' cinquante kilometes d ichi