Les jardinstrois voisines
par annie62110 le, 26/09/2006j'va vous parler d' trois voisines , à l'époque j'avos 17 ans, et al zétotent pas loin d'80
yavo d'abord Pauline oh! al sorto pas gramint, al avo du mal à marcher, mais l'soir al s'asseyo sur eune chaise devant s'maison et al fumo s'pipe, cha étonno les gins d'passage, mais nous in éto habitués!
aprés yavo l'femme à Narcisse, comme in savo pas sin prénom, in s'servo de chti de s'n'homme, y fallo les vire s'prom'ner bras d'sus bras d'sous, y zétotent toudis amoureux et chéto biau!
Aimée j'vous l'ai gardée pour la fin, cha ch'éto un numéro, l'soir avec mes copines in s'metto al porte, comme j'resto su l'route Nationale Lens Douai, y passo du monde
al s'cacho derrière nous et si y passo un jeune homme, al chifflo din ses dots et al rintro in courant, in s'intindo bien toutes générations confondues, chéto cha l'ambiance des cités minières, et quéque part, cha m'manque!!!!
