pas grinmint d' sujets c' soir
par minloute le, 29/09/2006pas grinmint d' sujets c'soir, mi j artourne à pau , y a repas du magasin, oh j' vous vo v'nir, minloute bo pas , print pas eune preune, zinquietez pas mes gins, achteure ché pu possipe, ouais vu que l route que j arprins l' soir, ché pire qu eune douane, alors t as ché gendarmes aux ronds points, ché carettes d' radar camuchées au bord del route, nan in rigole pas par ichi, pi comme in est pas loin del frontiere, y a des coups tet' croro in guerre, ché gendarmes aux bords del route, crac, i zarettent toutes voitures, mitraillette au poing, alors in tout cas d' min coté j auro pas bu, du leur j' sais point, alors vaut mieux pas leur faire titiller l' gachette ......
quant à marie claire ale est mate, pas beaucoup d' sujets sul' site es' soir, pi ale do s occuper des fiesses à frette, eh ouais j a djà fait un sujet là d'sus, cor merci à frette et j' voudro que tout l'monte d'vant sin écran i disse "MERCI FRETTE" allez mes gins à la eune , à la deusse, à la trois "MERCI FRETTE" oubliez pas mes gins que si vous pouvez raviser ch' site inch' momint ché pasque frette i pédale sur ch' vélo d appartemint arliée à eune dynamo et que cha fait l' courant
mais comme pour toute mécanique, faut eune révision, et là c'soir marie claire al' fait l'révision des 100 000, ale dot raviser l' tension del courroie d' transmission, raviser ché niveaux, cha va bin printe eune partie del nuit , sans oublier l' talcache du derriere à frette, partie sensipe depuis l ouverture du site
alors mes gins , ayez eune pensée pour frette ......